The De'il's Awa' Wi' The Exciseman
by Robert Burns

The De'il cam fiddling thro' the town,
And danced awa wi' the Exciseman;
And ilka wife cries `Auld Mahoun,
We wish you luck o' your prize, man.

We'll mak our maut, and brew our drink,
We'll dance, and sing, and rejoice, man;
And mony thanks to the muckle black De'il
That danced awa wi' the Exciseman.

There's threesome reels, and foursome reels,
There's hornpipes and strathspeys, man;
But the ae best dance e'er cam to our lan',
Was - the De'il 's awa wi' the Exciseman.

Previous Page Top of Page Next Page
Return to Table of Contents