Up In The Morning Early
by Robert Burns

Cauld blows the wind frae east to west,
The drift is driving sairly;
Sae loud and shrill's I hear the blast,
I'm sure it's winter fairly.

Up in the Morning's no for me,
Up in the morning early;
When a' the hills are cover'd wi' snaw,
I'm sure it is winter fairly.

The birds sit chittering in the thorn,
A'day they fare but sparely;
And lan'g the night frae e'en to morn,
I'm sure it's winter fairly.

Up in the Morning's no for me,
Up in the morning early;
When a' the hills are cover'd wi' snaw,
I'm sure it is winter fairly.

Previous Page Top of Page Next Page
Return to Table of Contents