For A' That
by Robert Burns

Thro' women's minds, like winter winds,
May shift, and turn, an' a' that,
The noblest breast adores them maist-
A consequence I draw that.

Chorus:
For a' that, an' a' that,
And twice as meikle's a' that;
The bonie lass that I lo'e best
She'll be my ain for a' that.

Great love I bear to a' the fair,
Their humble slave, an' a' that;
But lordly will, I hold it still
A moral sin to thraw that.

For a' that, &c.

But there is ane aboon the lave,
Has wit, and sense, an' a' that;
A bonie lass, I like her beat,
And wha a crime dare ca' that?

For a' that, &c.

In rapture sweet this hour we meet,
Wi' mutual love an' a' that,
But for how lang the flie may stang,
Let inclination law that.

For a' that, &c.

Their tricks an' craft hae put me daft.
They've taen me in, an' that;
But clear your decks, and here's-'The Sex!'
I like the jads for a' that.

For a' that, &c.

Previous Page Top of Page Next Page
Return to Table of Contents